Пагадненне памiж Урадам Рэспублiкi Беларусь i Урадам Дзяржавы Iзраiль аб супрацоўнiцтве ў сферы барацьбы са злачыннасцю

Соглашение Правительства Республики Беларусь от 4 февраля 1997 г.

   ПАГАДНЕННЕ     ПАМIЖ УРАДАМ РЭСПУБЛIКI БЕЛАРУСЬ I УРАДАМ ДЗЯРЖАВЫ IЗРАIЛЬ  АБ СУПРАЦОЎНIЦТВЕ Ў СФЕРЫ БАРАЦЬБЫ СА ЗЛАЧЫННАСЦЮ*     _____________________________       *Уступiла ў сiлу 12 жнiўня 1997 г.          Урад Рэспублiкi Беларусь i  Урад Дзяржавы Iзраiль, далей будуць  называцца "Бакi",       разумеючы   небяспечнасць   росту   арганiзаванай  злачыннасцi,  незаконнага  абароту  наркатычных  сродкаў  i  псiхатропных рэчываў,  iншых цяжкiх злачынстваў, якiя маюць мiжнародны характар,       надаючы важнае значэнне развiццю ўзаемадзеяння ў сферы барацьбы  са  злачыннасцю  i  неабходнасцi  надзейнай  абароны  праў  i свабод  грамадзян,       кiруючыся прынцыпамi роўнасцi, узаемнасцi i ўзаемнай карысцi,          ПАГАДЗIЛIСЯ АБ НАСТУПНЫМ:                                  Артыкул 1          Бакi  на аснове  нацыянальнага  заканадаўства  i ў  межах сваёй  кампетэнцыi будуць ажыццяўляць супрацоўнiцтва шляхам абмену вынiкамi  навукова-даследчай дзейнасцi, сучаснай тэхналогiяй i метадамi работы  ў наступных галiнах:          1. Праваахоўная дзейнасць;          2. Барацьба са злачыннасцю;          3. Грамадская бяспека;          4. Грамадскi парадак;          5.  Прымяненне  заканадаўства   ў  сферы  забеспячэння  бяспекi  дарожнага руху;          6.  Барацьба  з  незаконным   абаротам  наркатычных  сродкаў  i  псiхатропных рэчываў.                                  Артыкул 2          Супрацоўнiцтва   Бакоў   у   рамках   гэтага  Пагаднення  будзе  ажыццяўляцца наступнымi метадамi:          а)  абмен  вопытам  работы,  друкаванымi  выданнямi  i аказанне  садзеяння  ў падрыхтоўцы,  перападрыхтоўцы i  павышэннi квалiфiкацыi  кадраў;          b) правядзенне сумесных канферэнцый i семiнараў;          с)  абмен вiзiтамi  прадстаўнiкоў праваахоўных  органаў з мэтай  вывучэння   метадаў    работы,   тэхнiкi   i    абсталявання,   якiя  скарыстоўваюцца другiм Бокам;          d)    абмен   навукова-тэхнiчнай    iнфармацыяй   па   пытаннях  дзейнасцi  праваахоўных органаў,  арганiзацыя сумеснага  правядзення  навуковых  даследаванняў,   распрацовак  i  праграм   па  актуальных  праблемах, якiя маюць узаемны iнтарэс.                                  Артыкул 3          Органам, якi будзе забяспечваць выкананне мэт гэтага Пагаднення  ад  iмя  Урада  Рэспублiкi  Беларусь,  будзе  Мiнiстэрства ўнутраных  спраў,  ад  iмя  Урада  Дзяржавы  Iзраiль  - Мiнiстэрства грамадскай  бяспекi.                                  Артыкул 4          Кожны з Бакоў будзе забяспечваць канфiдэнцыяльнасць iнфармацыi,  атрыманай ад другога Боку, i не будзе перадаваць яе трэцяму Боку.       Атрыманыя на падставе  гэтага Пагаднення матэрыялы, iнфармацыя,  а таксама  тэхнiчнае  абсталяванне  могуць  быць перададзены трэцяму  Боку толькi  пасля атрымання пiсьмовай  згоды адпаведнага органа  цi  структурнага падраздзялення Боку, якi iх прадставiў.                                  Артыкул 5          Кожны  з  Бакоў  будзе  самастойна  несцi  расходы, якiя будуць  узнiкаць  у  ходзе  рэалiзацыi  гэтага  Пагаднення,  калi  не  будзе  ўзгоднен iншы парадак.                                  Артыкул 6          Гэтае Пагадненне  не будзе закранаць  абавязацельстваў Бакоў па  iншых  мiжнародных  дагаворах  i  пагадненнях,  уключаючы звязаныя з  дзейнасцю Бакоў у якасцi членаў Iнтэрпола.                                  Артыкул 7          Гэтае  Пагадненне ўступае  ў сiлу  праз 30  дзён пасля таго, як  Бакi  паведамяць адзiн  другога ў  пiсьмовай форме  па дыпламатычных  каналах  аб  выкананнi  сваiх  адпаведных унутрыдзяржаўных працэдур,  неабходных для яго ўступлення ў сiлу.       Гэтае   Пагадненне  заключаецца   на  2   гады  i   аўтаматычна  прадаўжаецца на наступныя двухгадовыя перыяды, калi адзiн з Бакоў не  паведамiць другi  Бок у пiсьмовай форме  па дыпламатычных каналах аб  сваiм намеры  спынiць дзеянне гэтага  Пагаднення не пазней,   чым за  тры месяцы да заканчэння адпаведнага тэрмiну яго дзеяння.       Пагадненне страчвае  сваё дзеянне праз 30  дзён пасля атрымання  гэтага паведамлення.       У гэтае Пагадненне па ўзаемнай згодзе Бакоў могуць быць унесены  змяненнi i  дапаўненнi, пры ўмове  выканання працэдуры ўступлення  ў  сiлу гэтага Пагаднення.          Здзейснена  ў  г.Iерусалiме  4 лютага  1997 г.,  што  адпавядае  27  th.   of  Shvat  5757  году   яўрэйскага  летазлiчэння,  у  двух  экзэмплярах,  кожны на  беларускай мове,  iўрыце i  англiйскай мове,  прычым  усе  тэксты  маюць  аднолькавую  сiлу.  У выпадку ўзнiкнення  рознагалосся ў  тлумачэннi гэтага Пагаднення  пераважнасць мае тэкст  на англiйскай мове.         За Урад Рэспублiкi Беларусь                За Урад Дзяржавы Iзраiль