РАШЭННЕ РАЁННАГА САВЕТА ДЭПУТАТАЎ

15 снежня 2006 г. № 178

Аб Праграме развiцця галiны культ уры Ушацкага раёна на 2006–2010 гады

У адпаведнасцi з Законам Рэспублiкi Беларусь ад 20 лютага 1991 года «О местном управлении и самоуправлении в Республике Беларусь» у рэдакцыi Закона Рэспублiкi Беларусь ад 10 студзеня 2000 года Ушацкi раённы Савет дэпутатаў ВЫРАШЫЎ:

1. Зацвердзiць прыкладзеную Праграму развiцця галiны культуры Ушацкага раёна на 2006–2010 гады.

2. Фiнансаваму аддзелу Ушацкага раённага выканаўчага камiтэта (Красько Л.I.), аддзелу культуры Ушацкага раённага выканаўчага камiтэта (Малак Т.М.) штогод пры фармiраваннi бюджэта на чарговы фiнансавы год удакладняць аб’ём фiнансавання i пералiк мерапрыемстваў Праграмы развiцця галiны культуры Ушацкага раёна на 2006–2010 гады, якiя рэалiзуюцца за сродкi раённага бюджэта.

3. Кантроль за выкананнем дадзенага рашэння ўскласцi на аддзел культуры Ушацкага раённага выканаўчага камiтэта (Малак Т.М.) i пастаянную камiсiю Ушацкага раённага Савета дэпутатаў па пытаннях сацыяльна-культурнай сферы i сацыяльнай абароны грамадзян (Волах Ф.П.).

ПРАГРАМА
развiцця галiны культуры Ушацкага раёна на 2006–2010 гады

1. Праграма развiцця галiны культуры Ушацкага раёна на 2006–2010 гады (далей – Праграма) распрацавана на падставе Закона Рэспублiкi Беларусь ад 4 чэрвеня 1991 года «Аб культуры ў Рэспублiцы Беларусь» (Ведамасцi Вярхоўнага Савета Беларускай ССР, 1991 г., № 20, ст. 291).

2. Мэтай дадзенай Праграмы з’яўляецца захаванне гiсторыка-культурнай спадчыны, стварэнне ўмоў для ўсебаковага развiцця асобы, росту яе творчай iнiцыятывы, духоўных i эстэтычных патрэбаў.

3. Праграмай вызначаны асноўныя накiрункi, якiя будуць рэалiзаваны згодна з мерапрыемствамi па рэалiзацыi Праграмы развiцця галiны культуры Ушацкага раёна на 2006–2010 гады (далей – мерапрыемствы) адпаведна дадатку ў наступных сферах:

гiсторыка-культурная спадчына – правядзенне мерапрыемстваў рэстаўрацыйнай накiраванасцi на найбольш важных аб’ектах гiсторыка-культурнай спадчыны, выратаванне ад поўнага знiшчэння сядзiбнага палаца ў аграгарадку Арэхаўна (унiкальны помнiк архiтэктуры XIX стагоддзя);

музеi – ажыццяўленне пераводу сiстэмы музейнай дакументацыi з папяровых носьбiтаў на электронныя, шырокае ўкараненне i развiццё камп’ютэрных тэхналогiй у музейнай практыцы, стварэнне новых экспазiцый;

бiблiятэкi – забеспячэнне аператыўнага абслугоўвання карыстальнiкаў, камплектаванне бiблiятэчных фондаў i iнфарматызацыя бiблiятэчнай справы, стварэнне сучасных умоў працы;

народная творчасць – адраджэнне традыцыйнай культуры Ушацкага раёна (далей – раён), выхаванне дзяцей i моладзi сродкамi традыцыйнага народнага мастацтва, выяўленне, аднаўленне, папулярызацыя i распаўсюджванне традыцыйнай народнай спадчыны раёна, развiццё i ўдасканаленне новых формаў i метадаў арганiзацыi вольнага часу насельнiцтва;

адраджэнне i развiццё культуры вёскi – адраджэнне i захаванне народных традыцый, выхаванне дзяцей i моладзi сродкамi народнага мастацтва, развiццё мастацкай самадзейнасцi, актывiзацыя культурнай дзейнасцi па арганiзацыi i правядзеннi вольнага часу, забеспячэнне даступнасцi паслуг устаноў культуры для розных груп насельнiцтва;

музычнае мастацтва – развiццё i падтрымка ўсiх вiдаў i жанраў музычнага мастацтва, развiццё музычнай культуры ў сельскай мясцовасцi;

дэкаратыўна-прыкладное мастацтва – стварэнне фонду лепшых работ майстроў раёна, прыцягненне да заняткаў народнай творчасцю дзяцей i моладзi, захаванне народных традыцый раёна;

матэрыяльна-тэхнiчная база – захаванне дзеючай сеткi ўстаноў культуры i мастацтва, якаснае ўмацаванне iх матэрыяльнай базы;

кадры культуры – правядзенне комплекснага аналiзу кадравага забеспячэння галiны з мэтай удасканалення формаў i метадаў падбору спецыялiстаў; павышэнне якаснага ўзроўню кадраў; арганiзацыя павышэння квалiфiкацыi кадраў; рэалiзацыя мер, накiраваных на выяўленне i падтрымку таленавiтай моладзi (накiраванне на вучобу ва ўстанову адукацыi «Беларускi дзяржаўны унiверсiтэт культуры i мастацтваў»: 2006 год – 2 чалавекi, 2007 год – 2 чалавекi, 2008 год – 2 чалавекi, 2009 год – 2 чалавекi, 2010 год – 3 чалавекi; ва ўстанову адукацыi «Вiцебскае дзяржаўнае вучылiшча мастацтваў»: 2006 год – 1 чалавек, 2007 год – 2 чалавекi, 2008 год – 2 чалавекi, 2009 год – 2 чалавекi, 2010 год – 3 чалавекi; ва ўстанову адукацыi «Магiлёўскi дзяржаўны бiблiятэчны тэхнiкум iмя А.С.Пушкiна»: 2006 год – 1 чалавек, 2007 год – 1 чалавек, 2008 год – 1 чалавек, 2009 год – 1 чалавек, 2010 год – 1 чалавек; ва ўстанову адукацыi «Наваполацкае дзяржаўнае музычнае вучылiшча»: 2006 год – 4 чалавекi, 2007 год – 4 чалавекi, 2008 год – 4 чалавекi, 2009 год – 4 чалавекi, 2010 год – 4 чалавекi); павышэнне ўзроўню прафесiйнага майстэрства кiраўнiкоў i калектываў мастацкай самадзейнасцi; укараненне перадавога вопыту работы, новых формаў работы; павелiчэнне прыбытку ад аказання платных паслуг насельнiцтву.

4. Фiнансаванне Праграмы прадугледжваецца ажыццявiць за кошт наступных крынiц: сродкаў абласнога i мясцовых бюджэтаў; пазабюджэтных сродкаў.

Крынiцы i аб’ёмы фiнансавання ўдакладняюцца штогод.

Плануецца забяспечыць выкананне ўстаноўленага заканадаўствам сацыяльнага стандарту па нарматыву бюджэтнай забяспечанасцi выдаткаў на культуру. Выдаткi на культуру на аднаго жыхара будуць складаць: 2006 год – 2,2 базавай велiчынi; 2007 год – 2,4 базавай велiчынi; 2008 год – 2,6 базавай велiчынi; 2009 год – 2,8 базавай велiчынi; 2010 год – 3,1 базавай велiчынi.

5. Асновай механiзму рэалiзацыi дадзенай Праграмы з’яўляецца комплекснае вырашэнне пытанняў захавання i развiцця культуры раёна, распрацоўка прагнозаў i праграм сацыяльна-эканамiчнага развiцця раёна.

Мерапрыемствы па рэалiзацыi Праграмы развiцця галiны культуры Ушацкага раёна на 2006–2010 гады